"Wala na jud ta maasahan ani nga gobyerno!" - Tribal Chief

Gikan sa 2001, nanawagan na mi sa gobyerno nga tukuran mi og eskwelahan. Pagka-2005, ang nitubag mao ang Rural Missionaries of the Philippines. Dili jud namo kaya magpaeskwela sa ubos kay mahal kaayo ang plete. P100 ang kada ulo sa motor sa usa lang ka byahe. Mahulog sa P200 matag adlaw wala pay labot sa pagkaon. Naglisud man gani mi mangita panihapon namo. Kanang P50 dako na man gani na kaayo.

Tungod kay nagkadaghan man jud ang kabataan. Nakatukod na pud mi sa ubang komunidad. Hangtod niabot sa 11 ka eskwelahan ang natukod namo. Elementary ni. 2007 nagsugod ang pinakaunang Grade 1. Diha nanukad sa Sitio Dulyan.

Diri gani sa syudad kulang na sa classrooms, kita pa ba kaha sa bukid matagaan pa ba kaha ta? Tapos ipasarado pa jud sa gobyerno ang among eskwelahan! Wala na jud ta maasahan ani nga gobyerno.

-Datu Ginom Andel, Vice-Chief, Salugpongan Ta Tanu Igkanogon